Monthly Archives: August 2017

வீரத் துறவி அழைக்கிறார்! விநாயகர் சதுர்த்தி விழாவினை சிறப்பாக கொண்டாடுவோம் வாரீர்

சென்னை…

இந்துமுன்னணி நிறுவனர் வீரத்துறவி இராம.கோபாலன் அவர்களும், இந்துமுன்னணி மாநிலத் தலைவர் திரு.காடேஸ்வரா.சி.சுப்பிரமணியம் அவர்களும் சேர்ந்து பத்திரிக்கையாளர்களை சந்தித்தனர்.

அப்போது அவர்கள் கூறியதாவது….

கடந்த 33 ஆண்டுகளாக விநாயகர் சதுர்த்தி விழாவானது இந்துமுன்னணி பேரியக்கத்தால் மிகச் சிறப்பான வைகையில் கொண்டாடப்பட்டு வருகிறது.

இவ்விழாவின் மூலம் சாதிய ஏற்றத் தாழ்வுகள் , பொருளாதார ஏற்றத் தாழ்வுகள் களையப்பட்டு இந்துக்கள் மத்தியில் ஒற்றுமை, விழிப்புணர்வு , எழுச்சி ஏற்பட்டு வருகிறது.

33 ஆண்டுகளுக்கு முன்பாக திருவல்லிக்கேணியில் ஒரு பிள்ளையாரை வைத்து ஆரம்பிக்கப்பட்ட விநாயகர் சதுர்த்தி விழாவானது இன்று தமிழகம் முழுதும் இந்து எழுச்சிப் பெருவிழாவாக நடைபெற்று வருகிறது.

தமிழகம் முழுதும் 1 லட்சம் பிள்ளையார்களுக்கும் மேலாக பிரதிஷ்டை செய்யப்படுகிறது. அதன் தொடர்ச்சியாக 10000 க்கும் மேற்பட்ட பகுதிகளில் வீதி உலாக்களும், 300 க்கும் அதிகமான முக்கிய நகரங்களில்,ஊர்களில் விசர்ஜன ஊர்வலமும் நடைபெறுகிறது.

விழா சிறப்பாக நடைபெற பொதுமக்கள், அரசு அலுவலர்கள், அதிகாரிகள், ஊடகங்கள் என அனைத்து தரப்பினரும் ஒத்துழைப்பை நாடுகிறோம் எனவும்,

எல்லாம் வல்ல விநாயகப் பெருமானின் அருளால் தமிழக மக்கள் எல்லா வளமும், நலமும் பெற்று வாழ பிரார்த்தனை செய்கிறோம்.

 

தமிழக முதல்வருடன் இந்துமுன்னணி தலைவர்கள் சந்திப்பு….

இந்துமுன்னணி பேரியக்கத்தின் பல்வேறு கோரிக்கைகளை வலியுறுத்தி தமிழக முதல்வர் மாண்புமிகு எடப்பாடி திரு.பழனிசாமி அவர்களை இந்துமுன்னணி மாநிலத் தலைவர் திரு.காடேஸ்வரா . சி . சுப்ரமணியம் அவர்கள் தலைமையில் மாநில அமைப்பாளர் திரு.பக்தன்., மாநில துணைத் தலைவர் வழக்கறிஞர் திரு.கார்த்கேயன் , மாநில செயலாளர் திரு.மனோகர்., சென்னை மாநகரத் தலைவர் திரு.இளங்கோவன் உள்ளிட்ட பொறுப்பாளர்கள் சந்தித்தனர்.

பல்வேறு விஷயங்களை கோரிக்கைகளாக முன்வைத்த பொது அவைகளை பரிசீலிப்பதாக முதல்வர் கூறியுள்ளார்.

மிக நீண்ட காலத்திற்கு பிறகு இந்து இயக்க தலைவர்களை   சந்திக்க ஒப்புக்கொண்டவர்  என்ற வகையில் மிகுந்த நன்றியை இந்துமுன்னணி சார்பில்  தெரிவித்துக் கொள்கிறோம்.

 

பவானி ஒன்றிய இந்து முன்னணி நிர்வாகிகள் கைது!!

ஈரோடு மேற்கு மாவட்டம் ….

பவானி ஒன்றியம் சலங்கபாளையம் குளத்தில் உள்ள மண்ணை சட்டவிரோதமாக அள்ள முயன்றவர்களிடம் ,அரசு அனுமதி கடிதத்தை காட்ட சொன்ன இந்து முன்னணி நிர்வாகிகள் தாக்குதல் மீது நடத்திய குண்டர்களுக்கு ஆதரவாக செயல் பட்ட தமிழக சுற்று சூழல் அமைச்சரை கண்டித்தும்….

மண்திருடிய குண்டர்கள் மீது வழக்கு பதிவுசெய்தும் குற்றவாளிகளை கைது செய்ய கோரியும்

இந்து முன்னணி நிர்வாகிகள் மீது தொடர்ந்து பொய் வழக்கு போட்டு வரும் கோபி D.S.P. செல்வம் அவர்களை இட  மாறுதல் செய்ய கோரியும் ….

இந்து முன்னணி மாநில நிர்வாக குழு உறுப்பினர் V.S.செந்தில் குமார் தலைமையில் 750 க்கும் மேற்பட்ட இந்து முன்னணி நிர்வாகிகள் கைது!! இதில் B.J.P. மாநில செயலாளர் திரு.செந்தில் பாலசுப்பிரமணியம் அவர்களும் கலந்து கொண்டு கைதானர்.

 

விநாயகர் சதுர்த்தி மக்கள் எழுச்சி விழா

தமிழகமெங்கும் கோலாகலமாக கொண்டாடப்படும் மக்கள் விழாக்களில் முதன்மையானது ஸ்ரீ விநாயகர் சதுர்த்தி மக்கள் எழுச்சி விழா. பட்டி தொட்டி எங்கும் வீதிகள் தோறும் விநாயகர் திருமேனிகள் பிரதிஷ்டை செய்யப்பட்டு விமரிசையாக கொண்டாடப்படுகிறது. ஆண்டுகளுக்கு முன்பு விநாயகர் சிலைகள் உடைக்கப்பட்டு அவமானப்படுத்தப்பட்டது. என்று அதே தமிழகத்தில் விநாயகர் வீர உலா வருகிறார் எனில் இந்துமுன்னணி மக்களின் வழிபாட்டு உரிமைகள் காக்கப்பட வேண்டும் என்று போராடியதுதான் காரணம்.

விநாயகர் சதுர்த்தி மக்கள் எழுச்சி விழா 2017